३७७ पाठक संख्या
एजेन्सी । कोरोनाभाइरस (कोभिड १९) को संक्रमणले बेलायतमा थप एक नेपालीको मृत्यु भएको छ ।
रेडिङस्थित बर्कशायर अस्पतालमा उपचारका क्रममा कास्की घान्द्रुकका ६५ वर्षीय लक्षिणबहादुर गुरुङको सोमबार बिहान निधन भएको छ ।
अस्पताल भर्ना भएपछि उनलाई कोरोनाको संक्रमण भएको पुष्टि भएको थियो । पछिल्लो १ साता उनलाई भेनिलेटरमा राखेर उपचार गरिएको थियो ।
गुरुङका श्रीमती र दुई छोरीहरु बेलायतमा नै बस्दै आएका थिए ।
त्यसो त बेलायतमा कोरोनाबाट ज्यान गुमाउने नेपालीको संख्या ९ जना पुगेको छ । भने कोरोनाकै कारण बेलायतमा मात्र १० हजार भन्दा बढीले ज्यान गुमाएका छन् ।
