४४ पाठक संख्या
काठमाडौं। प्रधानमन्त्री पुष्पकमल दाहाल ‘प्रचण्ड’ को स्वास्थ्य अवस्था सामान्य रहेको उनको सचिवालयले जानकारी दिएको छ ।
प्रचण्डलाई आज साँझ थापाथलीस्थित नर्भिक अस्पताल भर्ना गरिएको थियो । उनी आजै निवास फर्कने उनका स्वकीय सचिव रमेश मल्लले जानकारी दिएका छन् ।
प्रधानमन्त्री दाहालका प्रेस संयोजक सूर्यकिरण शर्माका अनुसार प्रधानमन्त्रीको ‘एन्जिओग्राम’ गरिएको छ । उनी केही समय अस्पतालमा नै आराम गरेर आजै निवास फर्कनेछन् । प्रधानमन्त्रीको छातीमा केही समस्या देखिएपछि चेकजाँच गर्न डा. शर्माले सुझाव दिएको बताइएको छ।
‘सम्माननीय प्रधानमन्त्रीज्यू स्वास्थ्य परिक्षणका लागि अस्पताल आउनु भएको हो । अहिले उहाँको स्वास्थ्य अवस्था सामान्य रहेको र आज नै निवास फर्किनु हुनेछ,’ मल्लले फेसबुकमा लेखेका छन् ।
