५१९ पाठक संख्या
एजेन्सी । बलिउड अभिनेता सलमान खानले गत फेब्रअरीमा वाचा गरे अनुसारको एउटा गाउँ बनाउने काम शुरु गरेका छन् ।
सन् २०१९ मा भारतको महाराष्ट्रको खिद्रापुर गाउँमा बाढीका कारण पुरै गाउँ विस्थापित बनेको थियो । जसबारे सलमानले सन् २०२० को फेब्रुअरीमा सम्पुर्ण गाउँलेको घर बनाउने जिम्मा आफुले लिने बताएका थिए । सोहि अनसार सलमानले वाचा पुरा गर्दै घरको पुनर्निर्माण शुरु गरेका छन् ।
खिद्रापुरमा ७० घर बाढि प्रभावित थिए । सलमानले उक्त गाउँलाई आफुले एडोप्ट गरेको उद्घोष गर्दै त्यस गाउँको पुनर्निर्माणमा आफु लागि पर्ने बताएका थिए । सलमानको काम थालेको चर्चा गर्दै महाराष्ट्र सरकारका मन्त्री राजेन्द्र पाटिलले सलमानले वाचा अनुसारको काम शुरु गरेको जानकारी गराएका छन् ।
मन्त्री राजेन्द्रका अनुसार सलमान खानको मद्दतबाट ७० परिवारको घर पुनर्निर्माण शुरु भएको छ ।
