१०८ पाठक संख्या
काठमाडौं । प्रहरीले ललितपुरको पुल्चोकस्थित स्क्वायर होटलका सञ्चालकलाई पक्राउ गरेको छ ।
जिल्ला प्रहरी परिसर ललितपुरले होटल सञ्चालक ललिता भण्डारीलाई शनिबार नियन्त्रणमा लिएको हो । परिसरका प्रवक्ता एसपी नवराज कार्कीले होटल सञ्चालक भण्डारीलाई नियन्त्रणमा लिइएको पुष्टि गरे ।
जावलाखेलका ४१ वर्षीय सजिलमान शाक्य स्क्वायर होटलमा स्विमिङ गर्न जाँदा करेन्ट लागेर गम्भीर घाइते भएका छन् ।
उनी घाइते भएपछि परिवारले उक्त होटलका सञ्चालकहरू रोमी अर्याल र ललिता भण्डारीविरुद्ध जाहेरी दिएका थिए । ललिता रोमीको सासु हुन् । रोमी भने पक्राउ परेकी छैनन् ।
