५३ पाठक संख्या
चितवन । हुरीका कारण चितवनको केराखेतीमा ठूलो क्षति पुगेको छ ।
चितवन केरा उत्पादक सङ्घका अध्यक्ष माधवप्रसाद घिमिरेले केही दिनअघिको हुरीका कारण दुई हजार पाँच सय बिघा क्षेत्रफलको केरामा क्षति पुगेको जानकारी दिनुभयो । उनकाअनुसार पूर्वी चितवनको रत्ननगर, कालिका र खैरहनी नगरपालिकालगायतमा लगाइएको ४० लाख ८७ हजार पाँच सय केराका बोटमा क्षति पुगेको छ ।
सङ्घका महासचिव जनक पन्तकाले हुरीका कारण १२ करोड रुपैयाँ बराबरको केरा नष्ट भएको प्रारम्भिक अनुमान रहेको जानकारी दिए ।
७० जना व्यावसायिक किसानले लगाएको केरामा पूर्णरुपमा क्षति भएको छ भने अरुको आंशिक क्षति भएको उनले बताए ।
चितवनमा अहिले तीन हजार पाँच सय बिघा क्षेत्रफलमा केरा खेती गरिँदै आइएको छ । सात सय किसानले केरा खेती गरेका चितवन केरा उत्पादक सङ्घले जनाएको छ ।
