एसिसी प्रिमियर कप : पहिलो खेलमा आज मलेसियाको सामना गर्दै नेपाल

ओकेखबर संवाददाता ३० चैत्र २०८०, शुक्रबार ०६:५७ मा प्रकाशित ( महिना अघि) ३६ पाठक संख्या

काठमाडौं । उपाधि दाबेदार नेपालले एसिसी प्रिमियर कप टी-२० क्रिकेट प्रतियोगिताको पहिलो खेल मलेसियासँग खेल्ने भएको छ । आजबाट ओमानमा आयोजना हुने प्रतियोगितामा नेपालले मलेसियाको सामना गर्ने भएको हो ।

प्रतियोगिताका लागि आयोजक एसियाली क्रिकेट काउन्सिल (एसिसी)ले सहभागी सबै टोलीको घोषणा गरिसकेको छ । नेपालको १४ सदस्यीय टोलीमा भारतमा एसएमएस फ्रेन्डसिप कप खेलेका खेलाडी छन् ।

नेपाल प्रतियोगिताको समूह ‘ए’मा रहेको छ । यस समूहमा हङकङ, मलेसिया, कतार र साउदी अरेबिया छन् । नेपालको दोस्रो खेल २ वैशाखमा कतारसँग हुनेछ । हङकङसँग ३ वैशाख र साउदीसँग ५ वैशाखमा समूहको अन्तिम खेल हुनेछ ।

नेपाल रहेको समूह निकै कमजोर मानिन्छ । नेपाल तुलनात्मक रूपमा समूहकै बलियो टोली हो । समूह ‘बी’मा ओमानसहित संयुक्त अरब इमिरेट्स (युएई), कुवेत, बहराइन र कम्बोडिया छन् । यो समूहमा ओमान र युएईलाई उपाधि दाबेदार मानिएको छ ।


सम्बन्धित खबरहरु