प्रतिनिधिसभामा बजेटका विनियोजन विधेयकका सिद्धान्त र प्राथमिकतामा छलफल हुँदै

ओकेखबर संवाददाता १ चैत्र २०८०, बिहीबार ०७:३२ मा प्रकाशित ( हफ्ता अघि) ५७ पाठक संख्या

काठमाडौं । प्रतिनिधिसभाको बैठकमा ‘संघीय निजामती सेवा विधेयक, २०८०’ पेस हुने भएको छ।

बैठक आज बिहान ११ बजे बस्दैछ। साथै बैठकमा नेपाल मजदुर किसान पार्टीका सांसद प्रेम सुवालले ‘संघीय निजामती सेवा विधेयक, २०८०’ लाई प्रस्तुत गर्न अनुमति माग्ने प्रस्तावमाथि जनाएको विरोधको सूचनालाई निर्णयार्थ प्रस्तुत गरिने सम्भावित कार्यसूचीमा उल्लेख छ।

सरकारले ‘निर्माणमुखी सामग्री (व्यवस्थापन तथा नियमन) विधेयक, २०८० माथि विचार गरियोस्’ भन्ने प्रस्ताव पनि आजको बैठकमा प्रस्तुत गर्ने तयारी गरेको जानकारी गराएका छन्।

आजकै बैठकमा आव २०८१/०८२ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक)का विषयमा छलफल सुरु गरिने सचिवालयले सम्भावित कार्यसूचीमा उल्लेख गरेको छ।


सम्बन्धित खबरहरु