३५ पाठक संख्या
काठमाडौं । संघीय संसदका महासचिव डा. भरतराज गौतमले राजीनामा दिएका छन् । उनले आइतबार राष्ट्रपति समक्ष राजीनामा बुझाएका हुन् ।
गौतमको पदावधि अझै ८ महिना बाँकी थियो । स्रोतकाअनुसार उनको राजीनामा राष्ट्रपतिबाट स्वीकृत भइसकेको छ । राजीनामाको कारण भने खुलाइएका छैनन् । गौतम २०७७ वैशाख २२ गते संघीय संसद सचिवालयको महासचिवमा नियुक्त भएका थिए ।
उनको राजीनामा आएसँगै सोमबार बिहान प्रतिनिधि सभाका सभामुख देवराज घिमिरे र राष्ट्रिय सभा अध्यक्ष गणेश तिमल्सिनाले राष्ट्रपति पौडेललाई भेटेका थिए । संघिय संसदका सचिव रहेका पदमप्रसाद पाण्डेलाई महासचिवमा सिफारिस गरिएको बताइएको छ ।
