कार किन्नका लागि आमा–बाबुले बच्चा बेचे

ओकेखबर संवाददाता ११ जेष्ठ २०७८, मंगलवार २२:११ मा प्रकाशित ( साल अघि) ६५२ पाठक संख्या

एजेन्सी । भारतको कन्नौजस्थित तिर्वा कोतवाली क्षेत्रको सतौरा गाउँमा एकजोडीले आमा–बाबुकै परिभाषामा कलंक पोतेका छन् । कार किन्नका लागि आमा–बाबुले आफ्ना तीन महिनाको नवजातु शिशुलाई बेचे । प्रहरीले गाउँमा पुगेर आमा र बाबुसँग सोधपुछ गरेपछि उनीहरुले अपराध स्विकारे । अहिले सतौरा गाउँमा यो घटना चर्चाको विषय बनेको छ ।

गुरसहायगन्ज निवासी हजुरआमाले फोन गरेर सोध्दा उनकी छोरीले नातिका विषयमा कुनै जवाफ दिइनन् । जबकी, तीन महिना पहिले उनले शिशुलाई जन्म दिएकी थिइन् ।

त्यसपछि शंका लागेर हजुरआमाले गाउँमा गएर नातिबारे सोधपुछ गरिन् । त्यसपछि उनलाई थाहा भयो कि आफ्ना ज्वाइँ र छोरीले डेढ लाख रुपैयाँमा एक व्यापारीलाई शिशु बेचेका छन् । उनीहरुले शिशुलाई बेचेपछि कार किनेको पनि हजुरआमाले पत्ता पाइन् । उनीहरुले गुरसहायगन्जकै एक व्यापारीलाई बच्चा बेचेका थिए । यो घटनाबारे जानकारी पाएपछि हजुरआमाले पुलिसमा रिपोर्ट गर्ने भन्दै बच्चा फिर्ता ल्याउन दबाब दिइन् ।

त्यसपछि आक्रोशित भएका ज्वाइँले उल्टै ज्यान मार्ने धम्की दिए । यस घटनापछि कोतवाली पुगेर हजुरआमाले आफ्नी छोरी र ज्वाँइविरुद्ध बच्चा बेचेको आरोपमा उजूरी गरिन् । यस घटनामा अनुसन्धान चलिरहेको र दोषी पक्षलाई कारबाही गरिने कोतवाली प्रभारीका प्रहरी निरीक्षक शैलेन्द्र कुमार मिश्रले जानकारी दिएका छन् ।


सम्बन्धित खबरहरु