आज: 

सीमावर्ती धार्चुलाको क्वारेन्टाइनमा रहेका नेपाली मजदुरको उद्दार सुरु

ओके खबर १८ बैशाख २०७७, बिहीबार १८:२९ मा प्रकाशित ( साल अघि) १६७ पाठक संख्या

दार्चुला । एक महिनादेखि भारत पिथौरागढस्थित धार्चुलाका क्वारेन्टाइनमा रहेका नेपाली मजदुरको आज उद्दार भैरहेको छ ।
क्वारेन्टाइन अवधि सकिएपनि उद्दार हुन नसकेका नेपालीहरुलाई हिजो जिल्लास्थित सरोकारवालाको बैठकले उद्दार गर्ने निर्णय गरेको थियो । सीमामा रोकिएका नेपाली ल्याउने विषयमा पटक–पटक छलफल भएपनि एकसातादेखि मिति पक्कापक्की भएको थिएन ।

बुधबार बैतडी, दार्चुला र पिथौरागढका जिल्ला अधिकारीबीच उच्चस्तरीय सहमतिपछि आजबाट उद्दार सुरु गरिएको छ । उनीहरुलाई आज बिहान देखि उद्दार गरिदैछ ।

गत चैत १३ गतेदेखि भारत पिथौरागढका धार्चुलाका पाँच क्वारेन्टाइनमा एक हजार बढि नेपाली एक महिनादेखि बसिरहेका छन् । उनीहरुलाई नेपाल ल्याउनकै लागि भन्दै बैतडी र बझाङका प्रतिनिधि तीन दिन देखि दार्चुला पुगेका छन्। उद्दारपछि उनीहरुलाई सम्बन्धित स्थानीय तहमा पठाउने तयारी छ ।


सम्बन्धित खबरहरु