पाकिस्तानी ब्याट्सम्यान उमर अक्मलमाथि तीन वर्षको प्रतिबन्ध

एजेन्सी । पाकिस्तानका ब्याट्सम्यान उमर अक्मलमाथि अनुशासन समितिको सुनुवाईपछि सोमबार तीन वर्षको प्रतिबन्ध लागेको छ । भ्रष्टरणनीतिबारे सूचित नगरेमा उनलाई क्रिकेटका कुनै पनि गतिविधिमा सहभागी हुन नपाउने गरी तीन वर्षका लागि प्रतिबन्ध लगाइएको हो ।

पाकिस्तान क्रिकेट बोर्ड (पिसिबी) ले भ्रष्टाचार विरोधी नियम अनुसार दुई भ्रष्ट रणनीतिबारे सूचित नगरेकोमा दोषी ठहर गर्दै कारवाही गरेको हो । २९ वर्षका अक्मलमाथि प्रान्तीय क्रिकेटमा गएको फेब्रुअरीमै प्रतिबन्ध लागेको थियो ।

अक्मलले १९ वर्षकै उमेरमा सन् २००९ मा टेस्ट क्रिकेटमा डेब्यु गरेका थिए र डेब्यु खेलमै उनले शतक प्रहार गरेका थिए । उनले पाकिस्तानबाट १६ टेस्ट, १२१ एक दिवसीय तथा ८४ ट्वेन्टी–ट्वेन्टी क्रिकेट खेलेका छन् ।