४७९ पाठक संख्या
उदयपुरका थप ३ जनामा कोरोना संक्रमण पुष्टि भएको छ । धरानमा गरिएको परीक्षणका क्रममा उनीहरुमा कोरोना पुष्टि भएको हो ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार २४, ६० र ७२ वर्षका पुरुषमा संक्रमण पुष्टि भएको हो ।
यससँगै नेपालमा कोरोना संक्रमितको संख्या ४५ पुगेको छ ।
स्वास्थ्य तथा जनसंख्या मन्त्रालय अनुसार हालसम्म नेपालभर ९ हजार ११ जनाको कोरोना परीक्षण गरेको छ ।
बुधबार थप दुईजना कोराना स्रक्रमित निको भएर घर फर्किएका छन् । योसँगै कोरानालाई जित्ने नेपालीको सङ्ख्या ७ पुगेको छ ।
