थप ३ जनामा कोरोना संक्रमण पुष्टि,नेपालमा कोरोना संक्रमित १२ पुग्यो

काठमाडौं । नेपालमा पनि थप ३ जनामा कोरोना संक्रमण पुष्टि भएको छ । योसँगै कोरोना संक्रमितको संख्या नेपालमा १२ पुगेको छ । वीरगञ्जमा उपचाररत तीन जनामा कोरोनाको पुष्टि भएको स्वास्थ्य मन्त्रालय स्रोतको भनाइ छ । मन्त्रलयले आधिकारीक रुपमा जानकारी नगराएपनि मन्त्रालय स्रोतले ३ जनामा रिपोर्ट पोजेटिभ आएको पुष्टि गरेको हो ।

अहिले मन्त्रालयमा आकस्मिक बैठक बसिरहेको छ। लगातार ७ औं दिनसम्म संक्रमण नदेखिएकोमा आज आठौं दिनमा नयाँ तीन व्यक्तिमा संक्रमण पुष्टि भएको हो। तीनै जना भारतीय नागरिक रहेको स्रोतले बताएको छ ।

उनीहरु मध्ये २ जना उत्तर प्रदेशका र एक जना दिल्लीका रहेका छन् । हेटौंडामा परीक्षण गरिएको तीन वटा नमुनामा पोजेटिभ देखिएपछि थप परीक्षणका लागि राष्ट्रिय जनस्वास्थ्य प्रयोगशाला पठाइएकोमा उनीहरुको रिपोर्ट पोजेटिभ आएको हो।