आज: 

रोकिएन कोरोना प्रकोप: झण्डै ३८ हजार जनाको मृत्यु, संक्रमित ८ लाख नजिक

ओके खबर १८ चैत्र २०७६, मंगलवार ०७:३८ मा प्रकाशित ( साल अघि) ५५९ पाठक संख्या

एजेन्सी । कोराना भाईरस अर्थात कोभिड १९ का कारण अहिलेसम्म विश्वभर झण्डै ३८ हजार जनाको मृत्यु भएको छ । संक्रमित ७ लाख ८४ हजार ३ सय ८१ जनामध्ये अहिलेसम्म ३७ हजार ७ सय ८० जनाको मृत्यु भएको वल्र्डोमिटरले जनाएको छ ।

संक्रमण भएकामध्ये अहिलेसम्म १ लाख ६५ हजार ६५ जना मात्रै निको भएर घर फर्किएका छन् । ५ लाख ८१ हजार ५ सय ५६ जनाको अस्पतालमा उपचार भैरहेको छ । त्यसमध्ये झण्डै ३० हजारको अवस्था गम्भिर छ । तथ्यांक अनुसार २९ हजार ५ सय ९७ जनाको अवस्था गम्भिर रहेको हो ।

अहिलेसम्म सबैभन्दा धेरै संक्रमित अमेरिकामा रहेका छन् । अमेरिकामा १ लाख ६३ हजार ४ सय ६९ जनामा कोरोना भाईरसको पुष्टी भैसकेको छ । आज मात्रै १९ हजार ९ सय ८८ जना थपिएका छन् ।

त्यसैगरी इटलीमा ४ हजार ५० जना नयाँ बिरामी थपिएसँगै संक्रमितको संख्या १ लाख १ हजार ७ सय ३९ जना पुगेको छ ।

पछिल्लो २४ घण्टामा अमेरिकामा ५६५ जनाको मृत्यु भएसँगै मृत्यु हुनेको संख्या ३१ सय ४८ पुगेको छ । त्यस्तै इटलीमा एकैदिन ८१२ जनाको मृत्यु भएसँगै मृत्यु हुनेको संख्या ११ हजार ५ सय ९१ पुगेको छ ।

चीनको अवस्था भने नियन्त्रण हुँदै गएको छ । चीनमा पछिल्लो २४ घण्टामा ४ जनाको मात्रै मृत्यु भएका छ । ३१ जना नयाँ बिरामी मात्रै थपिएका छन् ।


सम्बन्धित खबरहरु