मनकारी किसान, जसले निःशुल्क बाँड्यो तरकारी

लहान । कोरोना भाइरस (कोबिड–१९) को सङ्क्रमण फैलिन नदिन सरकारले गरेको ‘लकडाउन’का कारण समस्यामा परेका सिरहाको लहानका स्थानीयलाई एक किसानले निःशुल्क तरकारी वितरण गरेको छ ।

लकडाउनको मौका छोपी बजारमा तरकारीको मुल्य बढाएर बिक्री भइरहेका बेला लहान नगरपालिका–२४ का किसान रामप्रकाश महतोले वडा नम्बर १, ६ र ७ का स्थानीयलाई करिब १६ क्विन्टल भान्टा निःशुल्क वितरण गर्नुभएको हो ।

आफ्नै बारीमा उत्पादन गरेको भन्टा त्यस क्षेत्रका गरिब, बिपन्न तथा घरभाडा लिएर बसेकालाई महतोले वितरण गरेको लहान सिटी जेसीजका गौरब साहले जानकारी दिनुभयो ।