आज: 

कोरोना अस्पतालमा युएईबाट आएका एक युवकको मृत्यु

ओके खबर १६ चैत्र २०७६, आईतवार १६:०१ मा प्रकाशित ( साल अघि) ५८२ पाठक संख्या

रुपन्देही । रुपन्देहीको कोरोना भाइरस उपचार विशेष अस्पतालमा पाल्पा घर भई बुटवल सैनामैना बस्ने ३३ वर्षका युवकको मृत्यु भएको छ ।

बुटवलको कोभिड १९ विशेष अस्पतालमा उपचाररत उनको मृत्यु भएको लुम्बिनी प्रादेशिक अस्पतालका अध्यक्ष सूर्यबहादुर भट्टराईले जानकारी दिए ।

ती युवकमा कोरोना भाइरस संक्रमणको पुष्टि भएको छैन । उनको स्वाब आज मात्र परीक्षणका लागि काठमाडौं पठाएको कोरोना विशेष अस्पतालका फोकल पर्सन डा.सुदर्शन थापाले जानकारी दिए ।

चैत ६ गते संयुक्त अरब इमिरेट्स (युएई) बाट काठमाडौं आएका उनी चैत ७ गते बस चढेर रुपन्देहीको सैनामैना आएका थिए ।

ज्वरो आएपछि स्थानीय मेडिकल हलमा चेकजाँच गराएका उनलाई चैत १३ गते लुम्बिनी प्रादेशिक अस्पताल अन्तर्गतको कोरोना विशेष अस्थायी अस्पतालमा भर्ना गरिएको थियो ।


सम्बन्धित खबरहरु