आज: 

कोरोना राहत कोषमा सन्दीपले १ लाख सहयोग गर्ने

ओके खबर १४ चैत्र २०७६, शुक्रबार १०:४८ मा प्रकाशित ( साल अघि) ३३५ पाठक संख्या

काठमाडौं । नेपाली युवा क्रिकेटर सन्दीप लामिछानेले कोरोना भाइरससँग लड्न सरकारलाई १ लाख रुपैयाँ सहयोग गर्ने घोषणा गरेका छन्। उनले बिहीबार राती फेसबुक मार्फत सरकारको कोरोना भाइरस संक्रमण रोकथाम, नियन्त्रण र उपचार कोषलाई सहयोग गर्ने घोषणा गरेका हुन्।

‘नेपाल सरकारको कोभिड–१९ राहत कोषमा १ लाख रुपैयाँ सहयोग गर्न पाउँदा खुसी लाखेको छ’, सन्दीपले फेसबुकमा लेखेका छन्, ‘सामाजिक दूरीको यस घडीमा साथ र सहयोग आवश्यक भएकाहरूलाई नबिर्सौँ।’

सन्दीपले दया र जिम्मेवारीले मानवता बोध गराउने भन्दै सबैलाई सुरक्षित रहन पनि आग्रह गरेका छन्।

चीनको वुहानबाट फैलिएको कोरोना संक्रमण सोमबार १ जना युवतीमा पुष्टि भएपछि सर्वत्र जनमानसमा त्रास पैदा भएको छ ।


सम्बन्धित खबरहरु