७७२ पाठक संख्या
काठमाडौं । विश्व महामारीको रुपमा फैलिएको कोभिड–१९ को संक्रमण पुष्टि भएका धादिङ एक युवा आएको विमानमा उनिसंगै अन्य १६९ जना यात्रु रहेको खुलेको छ ।
उनी चैत ६ गते दुबईबाट शारजहाँ हुँदै काठमाडौं विमानमा रहेका अन्य १६९ जना यात्रुको पहिचान गरी क्वारेन्टाइनमा राख्ने तयारी भएको छ ।
संक्रमित युवा शारजहाँबाट एयर अरेबियाको जहाज चढेर काठमाडौं आएका थिए । स्वास्थ्य मन्त्रालयका अनुसार ती युवक एयर अरेबियाको फ्लाइट नम्बर जी ९ ५३७ नम्बरबाट युएईको शारजहाँ विमानस्थलबाट चैत ६ गते बेलुका काठमाडौं आएका हुन् ।
जहाज बेलुका १० बजेर ९ मिनेट जाँदा त्रिभूवन विमानस्थलमा अवतरण भएको थियो। उनी चैत ६ गते राति राजधानीको एक होटलमा बसेका भनिएको उनि १० गते अस्वस्थ महसुस भएपछि परीक्षणका लागि टेकू अस्पताल पुगेका थिए। मंगलबार राति उनलाई संक्रमण भएको टेकु अस्पतालले पुष्टि गरेको थियो । बुधबार स्वास्थ्य मन्त्रालयले उक्त युवा धादिङको रहेको पुष्टि गरेको थियो ।
यसअघि उक्त विमान स्वास्थ्यमन्त्रीले कतारबाट आएको बताएपनि पछि स्वास्थ्यमन्त्रीको सचिवालयले दुवइबाट आाएको पुष्टि गरेको थियो ।
