३८४ पाठक संख्या
एजेन्सी । कोरोना भाईरस सम्पूर्ण मानव जातीका लागि खतरा रहेको संयुक्त राष्ट्र सङ्घले चेतावनी दिएको छ ।
राष्ट्र संघका महासचिव एन्टोनियो गुटेरसले अहिले जुन रुपमा भाइरस फैलिएको छ, यसले मानवको अस्तित्व के हुन्छ भन्ने नै अन्योल भएको बताएका छन् ।
यसमा कोरोनाविरुद्ध सम्पूर्ण मानव लाग्नुपर्ने पनि बताएका छन् ।
यो महामारीलाई विकसित देशहरुले नियन्त्रण गर्न सक्ने भए पनि विकासोन्मुख देशमा डढेलो झैँ फैलन गइ दशौँ लाख मानिसको ज्यान जान सक्ने गुटेरसले चेतावनी दिएको बीबीसीले जनाएको छ ।
एक्लै लड्दा भाइरसले स्वरूप बदल्ने अवसर पाउने र यदि स्वरुप बदलियो भने बनाइँदै गरेका खोप पनि काम नलाग्ने भन्दै उनले संयुक्त लडाइँबाट कोरोना भाइरसलाई जित्नुपर्ने बताए ।
यसअघि महासचिव गुटेरसले कोरोना भाइरसको समस्या चुनौतीपूर्ण रहेको भन्दै विश्वभरि चलिरहेका सशसस्त्र युद्ध तत्काल रोक्नुपर्ने बताएका छन् ।
