खुशीको खबर ! अब नेपाल टेलिकमको रिचार्ज बराबरको बोनास पाउने

ओकेखबर संवाददाता १२ चैत्र २०७६, बुधबार १८:२१ मा प्रकाशित ( साल अघि) ५५१ पाठक संख्या

काठमाडौं । सरकारले कोरोनाको संक्रम फैलनबाट रोक्ने गरी लकडाउनको लागू गरेसंगै नेपाल टेलिकमले आफ्ना ग्राहकलाई रिचार्जमा शत प्रतिशत बोनस दिने निर्णय गरेको छ ।

बुधबार रातको १२ बजेपछि गरेको रिचार्जमा मात्रै यो व्यवस्था कार्यान्वयन हुनेछ । ग्राहकलाई रिचार्ज कार्ड किन्न समस्या परिरहँदा टेलिकमको यस्तो निर्णय लिएको जनाएको छ ।

अहिले नागरिक घर बाहिर निस्कन पनि नसक्ने अवस्था रहेकाले रिचार्ज रकम बराबरकै बोनस दिन मोबाइल सेवा प्रदायकलाई मंगलबार नेपाल दूरसञ्चार प्राधिकरणले निर्देशन दिएको थियो ।

टेलिकमका प्रवन्ध निर्देशक डिल्लीराम अधिकारीका अनुसार यस्तो बोनसबापतको रकम डाटा चलाउन र एसएमएस गर्न समेत प्रयोग गर्न सकिने छ । नेपाल टेलिकमबाहेकका अन्य नेटवर्कमा फोन गर्दा भने मुख्य ब्यालेन्सबाट शुल्क काटिनेछ ।
टेकिलमले आफ्नो नेटवर्कभित्र प्रयोग गर्न सकिने गरी रिचार्जजत्तिकै बोनस ब्यालेन्स रकम उपलब्ध गराउने निर्णय गरेको हो ।


सम्बन्धित खबरहरु