चट्याङ लागेर दुईको मृत्यु

ओकेखबर संवाददाता २ चैत्र २०७६, आईतवार ०८:२३ मा प्रकाशित ( साल अघि) ३३३ पाठक संख्या

म्याग्दी । म्याग्दीमा शनिबार राति परेको चट्याङ लागेर दुई जनाको मृत्यु भएको छ । अन्नपूर्ण गाउपालिका–६ खिवाङका छब्बीस वर्षीय रविन पुन र ४१ वर्षीय यमकुमारी गर्बुजाको बेनी अस्पतालमा उपचारको क्रममा आज मृत्यु भएको जिल्ला प्रहरी कार्यालयले जनाएको छ ।

घाइते द्वयलाई सो अस्पताल ल्याएको केही समयमै चिकित्सकले मृत घोषणा गरेका थिए । शव परीक्षणका लागि अस्पतालको शवगृहमा राखिएको छ ।

मृतक पुन र गर्बुजा छिमेकी हुन् । यसैबीच शनिबार रातिको वर्षासँगै यहाँ उच्च पहाडी बस्तीमा हिमपात भएको छ । धवलागिरि गाउँपालिकाको गुर्जा, लुलाङ, मुना, मुदी, मल्कवाङ, मलम्पार, रघुगङ्गाको कुइनेमङ्गले, मङ्गलाको टोड्के, अन्नपूर्णको राम्चे, नागी, घोडेपानी, शिख, नारच्याङलगायतका बस्तीमा हिमपात भएको हो ।


सम्बन्धित खबरहरु