५२६ पाठक संख्या
धादिङ । ऐतिहासिक पौवाघर र भैरवी मन्दिरको प्रचारप्रसार र पौवाघरको संरक्षणका लागि आज सम्पन्न खुला क्वार्टर म्याराथुन प्रतियोगितामा ६० जनाले सहभागिता जनाएका छन् ।
प्रतियोगितामा खोटाङका जुनेश खड्का प्रथम, कालिकोटका देवराज महतरा द्वितीय, धादिङका श्रीलाल तामाङ, तृतीय र धादिङका रमेश ढकाल सान्त्वना हुनुभएको छ ।
प्रतियोगितामा विजयी हुनेलाई राष्ट्रिय योजना आयोगका उपाध्यक्ष डा पुष्प कँडेलले क्रमशः रु २५ हजार, १५ हजार, १० हजार र पाँच हजारसहित पुरस्कृत गर्नुभयो ।
धादिङबेँसीको खुलामञ्चबाट शुरु भएको म्याराथुन प्रतियोगिता पौवाघर हुँदै सुनौलाबजारस्थित भैरवी मन्दिरसम्म १० किलोमिटर यात्रा गरी समापन गरिएको थियो ।
