आज: 

जन्ती बोकेको बस दुर्घटना हुँदा ३ को घटनास्थलमै मृत्यु

ओके खबर २१ फाल्गुन २०७६, बुधबार २०:४० मा प्रकाशित ( साल अघि) २६६ पाठक संख्या

मकवानपुर । जन्ती बोकेको बस मकवानपुरमा दुर्घटना हुँदा तीनजनाको घटनास्थलमै मृत्यु भएको छ । कान्ति लोकपथ अन्तर्गत मकवानपुर गढी गाउँपालिका–२ शिखरकटेरीमा जन्ती बोकेको ना. ३ ख ३५५६ नम्बरको बस बुधबार साँझ सात बजे दुर्घटना भएको जिल्ला प्रहरी कार्यालय मकवानपुरले जानकारी दिएको छ ।

दुर्घटनामा मृत्यु हुनेहरुको पहिचान खुल्न नसकेको प्रहरीले जनाएको छ। उनीहरुमध्ये सामान्य घाइतेहरुको हेटौंडा अस्पताल र गम्भीर घाइते भएकाहरुलाई थप उपचारका लागि भरतपुर पठाउने तयारी भइरहेको हेटौंडा अस्पतालले जनाएको छ।

दुर्घटनामा दुलही फूलमाया लामासमेत सामान्य घाइते भएकी छन्। मृतक तीनैजना पुरुष रहेको र उनीहरुको शव हेटौंडातर्फ ल्याइदै गरेको प्रहरीले जनाएको छ।


सम्बन्धित खबरहरु