३२४ पाठक संख्या
म्याग्दी – मुस्ताङको थासाङ गाउँपालिका ४ घाँसाको घैपुमा सुख्खा पहिरो खस्दा एक जनाको मृत्यु भएको छ । बेनी–जोमसोम–कोरला सडकखण्डमा पर्ने सडक खनिरहेको अवस्थामा सडकमाथिबाट खसेको सुख्खा पहिरोले एक्स्काभेटर घैपु खोलामा खस्दा एक्स्काभेटर अपरेटर सिन्धुपाल्चोक घर भएका अर्जुन दाहालको ज्यान गएको हो ।
घटना भएलगत्तै नेपाल प्रहरी, सशस्त्र, नेपाली सेना र स्थानीयवासी घटनास्थल पुगेर उद्धारको प्रयास गरेका थिए ।
सडक सफा गरिरहेको एक्स्काभेटर खोलामा खस्दा दाहालको एक्स्काभेटरको चेनले च्यापिएर ज्यान गएको मुस्ताङका सहायक प्रमुख जिल्ला अधिकारी घनश्याम गौतमले बताए ।
डोजरको चेनले च्यापिएको अवस्थामा रहेको हुँदा उनको शव निकाल्न नसकिएको सहायक प्रमुख जिल्ला अधिकारी गौतमले बताए ।
