आज: 

मानसिक सन्तुलन गुमाएकी यामकुमारी थापा दुबईमा अलपत्र

ओके खबर ५ फाल्गुन २०७६, सोमबार १८:५७ मा प्रकाशित ( साल अघि) ५२० पाठक संख्या

काठमाडौं । यूएईको दुबईमा एक नेपाली महिला मानसिक सन्तुलन गुमाएको अवस्थामा भेटिनुभएको छ । कतैै तपाई‌ले उहाँलाई चिन्नु पो भएको छ कि ?
यामकुमारी थापा नाम गरेकी ४६ वर्षीय महिला दुबइमा अलपत्र अवस्थामा छिन् । स्थानीय सामाजिक अभियन्ता लैला अबु बकरका अनुसार नेपालमा उहाँको ठेगाना र दुबईमा काम गर्ने ठाउँबारे कुनै पत्तो लाग्न सकेको छैन ।
बकरकाअनुसार यमकुमारीले २०१९ को अक्टोबरमा दुबई अस्पतालमा मस्तिष्कको शल्यक्रिया गर्नुभएको थियो । त्यसपछि यामकुमारी अस्पतालमै हुनुहुन्छ । यामकुमारीको आफन्त तथा साथीभाइ कसैसँग पनि सम्पर्क छैन । रोजगारदाता व्यक्ति पनि अस्पतालमा नआएको बकरले जानकारी दिनुभयो ।

गएको चार महिनादेखि यामकुमारीलाई आफन्त, साथीभाइ तथा रोजगारदातासँग भेटाउन प्रयास गरिरहे पनि कोहीसँग सम्पर्क हुन सकेको छैन । बकरले गल्फ न्यूजसँग बताएअनुसार यामकुमारीलाई अक्टोबरको तेस्रो हप्ता अचेत अवस्थामा एम्बुलेन्समा राखेर दुबई अस्पताल पुर्याइएको थियो ।

ल्याउनेबेला अचेत अवस्थामा भए पनि होश आइसकेपछि यामकुमारीले बान्ता गरिरहने र टाउको दुख्ने गरेको बताउने गरेकी थिइन् । मेडिकल रिपोर्टअनुसार मस्तिष्कमा रक्तश्राव भएको देखिएको छ । अहिले पनि यामकुमारीलाई टाउको दुख्ने र ज्वरो आउने समस्या छ ।

सामाजिक अभियन्ता बकरकाअनुसार फेब्रुअरी १७ अर्थात आज सोमबार यामकुमारीको अस्पतालबाट डिस्चार्ज गर्नुपर्नेगुर्नपर्ने भएपनि कोही पनि सम्पर्कमा नआएपछि यामकुमारीलाई आफूसँगै राख्नुबाहेक अरु कुनै उपाय नभएको बकरले बताउनुभएको छ ।
कृपया यो समाचार सक्दो सेयर गरि उहाँको अफन्तसम्म पुर्याउन सहयोग गरिदिनुहोला ।


सम्बन्धित खबरहरु