२८४ पाठक संख्या
काठमाडौं । प्रर्दशनी मार्गस्थित रत्नराज्य लक्ष्मी क्याम्पसमा सत्तारुढ नेकपा निकट विद्यार्थी संगठन अनेरास्ववियु र प्रतिपक्ष नेपाली कांग्रेस निकट विद्यार्थी संगठन नेपाल विद्यार्थी संघका कार्यकर्ताका बीचमा झडप भएको छ ।
झडपमा नेपाल विद्यार्थी संघका तीन जना कार्यकर्ता घाइते भएका छन् । घाइते हुनेमा आविश्कार पौडेल, कुशल बस्नेत र सुमन खड्का रहेका छन् । उनीहरुको मोडेल अस्पतालमा उपचार भइरहेको छ ।
पक्राउ पर्नेमा रत्जराज्य क्याम्पसका नेविसंघ इकाई उपसभापति सुनिल शर्मा, पुष्कर बाँस्तोला, सन्जीब ढकाल, रामजी बस्नेत, उमेश गुरुङ र विकु खड्का रहेका छन् । पक्राउ परेका विद्यार्थीलाई महेन्द्र पुलिस क्लबमा राखिएको छ ।
नेपाल विद्यार्थी संघका महामन्त्री दिपक भट्टराईका अनुसार कक्षाकोठामा पढ्नका लागि गइरहेका नेपाल विद्यार्थी संघका कार्यकर्तालाई अखिलले क्याम्पस बाहिरबाट लगेको गुण्डाहरुबाट आक्रमण भएको हो ।
त्यसैगरी उपसभापति शर्माका अनुसार आइतवार नेविसंघद्वारा आयोजित वनभोज कार्यक्रमको विषयलाई लिईर झडप भएको हो ।
‘पिकनिकमा बाक्लो उपस्थितिले अत्तालिएको सत्ताधारी संगठन अनेरास्ववियुले क्याम्पस हाताभित्र विद्यार्थीहरूमा अभद्र व्यवहार गरेको र नेविसंघले यस्ता खालका अराजनीतिक र अमर्यादित क्रियाकलापको प्रतिवाद गर्दा झडप भयो ।’ शर्माले भने ।
महामन्त्री दिपक भट्टराईले विज्ञप्ति जारी गर्दै सत्ताको आडम प्रहरी प्रशासनले नेपाल विद्यार्थी संघका कार्यकर्तामाथि भएको आक्रमणको निष्पक्ष छानविन भएर दोषि माथि कारवाही नभएर देशव्यापी आन्दोलन गर्ने उल्लेख गरेका छन् ।
