आज: 

बहिनीको ईगेजमेन्टमा जाँदै गर्दा दुर्घटनामा परि अभिनेत्री महिमा सिलवालसहित दुईको मृत्यु

राजाराम डंगोल १ फाल्गुन २०७६, बिहीबार ०९:१० मा प्रकाशित ( साल अघि) २०४० पाठक संख्या

गजुरी । धादिङको गजुरी गाउँपालिका वडा नम्बर २ चाम्बासमा गएराती स्कुटर र बस आपसमा ठक्कर खाँदा दुई जनाको मृत्यु भएको छ । लामो समय देखि फिल्मी क्षेत्रमा लाग्दै आएकी महिमा सिलवाल र शर्मिला सिलवालको उपचारको क्रममा मृत्यु भएको हो ।

वा ९८ प ७०५८ नमबरको स्कुटि र लु २ ख १३५ नम्बरको बस एकआपसमा ठक्कर खाँदा स्कुटरमा सवार दुवै जनाको मृत्यु भएको हो ।
अभिनेत्री महिमा सिलवालको गजुरी अस्पताल र शर्मिला सिलवालको काठमाण्डौ ट्रमा सेन्टरमा उपचारको क्रममा मृत्यु भएको ईलाका प्रहरी कार्यालय गजुरीका प्रहरी निरिक्षक भोजराज पाण्डेले जानकारी दिए ।
महिमा सिलवाल र शर्मिला सिलवालको बहिनीको ईगेजमेन्टमा चितवन जाँदै गर्दा गएराती उक्त दुर्घटना भएको हो ।

दुर्घटनामा मृत्यु भएका महिमा र शर्मिला दिदीबहिनी हुन् । अहिले यस सम्बन्धमा थप अनुसन्धान भईरहेको प्रहरीले जनाएको छ ।


सम्बन्धित खबरहरु