६३९ पाठक संख्या
जब – जब शशि खुल्छिन् , च्याटको व्योममाझ ।
सुमन – वन सुगन्धी , झुल्दछन् वागमाझ।।
नव – नव कवितामा , बज्न थाल्छन् सितार ।
मधुर – धुन सुसेली , रन्किएका गितार ।।
चपल – चपल आँखा , झिम्म हुन्नन् परेला ।
ललित रसित उन्का , ओठ छन् रे अकेला ।।
प्रणय – दिवस झुल्की , ‘संझना’ सल्बलाइन् ।
नजर – नजर जुध्दा , ‘कामना’ चल्मलाइन् ।।
हलचल मन पार्ने , क्या छ चर्को सुनामी ।
विगत विरह नाच्दा , भिज्न थाल्थे सिरानी ।।
प्रणय – रस रसाई , फुल्ल छौँ दङ्गदार ।
मधुर मिलन हाम्रो , रापिलो रङ्गदार ।
