१९४ पाठक संख्या
काठमाडौं । जनता समाजवादी पार्टीका संघीय परिषद् अध्यक्ष डा. बाबुराम भट्टराईले निर्वाचन आयोगको भूमिकाप्रति संकेत गर्दै असन्तुष्टि जनाएका छन् ।
निर्वाचन आयोगले आइतबार दुवै पक्षले गरेको कारबाहको निर्णय अस्वीकृत गरेको थियो । जसपा अध्यक्ष उपेन्द्र यादव पक्षले अर्का अध्यक्ष महन्थ ठाकुरलाई कारबाही गरेको निर्णय अस्वीकृत गर्दै आयोगले विवरण अद्यावधिक गर्न मानेको थिएन ।
आयोगको यो निर्णयसँगै जसपाको पुरानै पदाधिकारी कायम रहने भएको छ । राजनीतिक दलसम्बन्धी ऐन अनुसार अध्यक्ष यादव पक्षले विवरण अद्यावधिक गर्न नआएको आयोगको ठहर छ ।
आइतबार बसेको आयोगको बैठकले कानुनसम्मत नभएको भन्दै दुवै पक्षको निवेदन खारेज गर्ने निर्णय गरेको छ । आयोगको उक्त निर्णयप्रति संकेत गर्दै भट्टराईले वादी र प्रतिवादीलाई मिलेर बस्नु भनेको टिप्पणी गरेका छन् ।
‘खड्गप्रसाद एण्ड कम्पनीको नयॅा विधिशास्त्र: कसैले चोर्यो भने चोरी गर्नेको विरूद्ध मुद्दा हाल्नू ! चोरलाई पनि मैले चोरेको हैन, उल्टै मुद्दा हाल्ने (वादी) ले चोरेको हो भनेर प्रतिवाद गर्न लगाउनू,’ भट्टराईले ट्विटरमा लेखेका छन्, ‘मुद्दा हेर्ने कार्यालयले दुवै वादी र प्रतिवादी चोर हुन्, मिलेर बस्नू भन्ने फैसला गर्नू ! वाह !’
खड्गप्रसाद एण्ड कम्पनीको नयॅा विधिशास्त्र: कसैले चोर्यो भने चोरी गर्नेको विरूद्ध मुद्दा हाल्नू ! चोरलाई पनि मैले चोरेको हैन,उल्टै मुद्दा हाल्ने (वादी)ले चोरेको हो भनेर प्रतिवाद गर्न लगाउनू।मुद्दा हेर्ने कार्यालयले दुवै वादी र प्रतिवादी चोर हुन्,मिलेर बस्नू भन्ने फैसला गर्नू! वाह!
— Baburam Bhattarai (@brb1954) June 14, 2021
