काठमाडौं । नेपालमा कोरोना सङ्क्रमितको संख्या एक लाख ५० हजार नाघेको छ । गएको २४ घण्टामा चार हजार चार सय ९९ जनामा कोरोना पुष्टि भएसँगै सङ्क्रमितको संख्या एक लाख ५३ हजार आठ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा १६ हजार आठ सय ६३ जनाको पीसीआर परिक्षण गरिएको थियो । आज थपिएका सङ्क्रमित मध्ये दुइ हजार सात सय २० जना काठमाडौं उपत्यकाका मात्रै रहेका छन् ।
यस्तै गएको २४ घण्टामा दुइ हजार छ सय ६८ जना सङ्क्रमित कोरोना सङ्क्रमणमुक्त भएका छन् । योसँगै कोरोनाबाट निको हुनेको संख्या एक लाख पाँच हजार चार सय ८८ पुगेको छ ।
अब नेपालमा ४६ हजार छ सय ९१ जना सक्रिय सङ्क्रमित रहेका मन्त्रालयले जनाएको छ । यस्तै गएको २४ घण्टामा १७ जनाको ज्यान गएसँगै कोरोनाबाट ज्यान गुमाउनेको संख्या आठ सय २९ पुगेको स्वास्थ्य मन्त्रालयले जनाएको छ ।