६४३ पाठक संख्या
काठमाडौं । गायक नेत्र भण्डारी र गायिका अस्मिता अधिकारीको स्वर रहेको नयाँ गीत सार्वजनिक भएको छ । सार्वजनिक ‘हुन्छ खोसाखोस’ बोलको गीतमा सुनिल बीसीको शब्द तथा सन्तोष सुनारको सङ्गीत रहेको छ ।
सार्वजनिक गीतको भिडियोमा सागर लम्साल, मञ्जिल बस्नेत, प्रिज्मा(प्रिन्सी खतिवडाको अभिनय रहेको छ । डान्सिङ शैलीमा तयार भएको यस गीतको भिडियोमा सागर र प्रिज्माले जोडी बाँधेका छन् भने मञ्जिलसँग प्रिन्सीको जोडी देखाइएको छ ।
भद्रगोल तथा सक्किगोनीबाट चर्चामा आएका सागर लम्साल ‘बले’ र टिकटकबाट आएका मञ्जिल तथा प्रिज्मा(प्रिन्सी ४ जनाले दोस्रो पटक भिडियोमा एकसाथ काम गरेका हुन् । उनीहरूले यसअघि ‘रनभुल’ बोलको गीतमा सँगै काम गरेका थिए । प्रिज्मा-प्रिन्सीसँग सागरले मात्र भने आधा दर्जनभन्दा बढी भिडियो गरिसकेका छन् ।
राजिव समरको निर्देशन तथा कोरियोग्राफी रहेको भिडियोलाई रामकुमार केसीले खिचेका हुन् । भिडियोलाई टेकेन्द्र शाहले सम्पादन तथा कलर गरेका हुन् ।
