६२ पाठक संख्या
काठमाडौँ । राष्ट्रिय प्रजातन्त्र पार्टीले चैत १६ गते गर्ने भनिएको काठमाडौँ केन्द्रित आन्दोलन २७ गतेलाई सरेको छ ।
पार्टी कार्यालय धुम्बााराहीमा सोमबार बसेको केन्द्रीय कार्यसम्पादन समिति बैठकले एसइईका कारण काठमाडौँ केन्द्रित जनप्रदर्शनसहितको आन्दोलन चैत २७ गते गर्ने निर्णय गरिएको अध्यक्ष राजेन्द्र लिङदेनले जानकारी दिए ।
बैठकले वर्तमान सत्ता गठबन्धनमा सहभागी नहुने औपचारिक निर्णयसमेत गरेको छ । प्रधानमन्त्रीलाई विश्वासको मत दिने क्रममा विपक्षमा मत दिने निर्णय गरिएको उनले बताए ।
उनले प्रदेश सरकारमा पनि तत्काल सहभागी नहुने र समर्थन गर्नुपर्ने अवस्था आए पार्टी अध्यक्षले उपयुक्त निर्णय लिन सक्ने निर्णय गरिएको जानकारी दिए ।
