भारत । भारतमा पछिल्लो २४ घण्टामा ३ लाख १६ हजार बढीमा कोरोनाभाइरसको संक्रमण पुष्टि भएको छ।
संक्रमण दर बढेसँगै भारतमा कोरोनाभाइरसबाट ज्यान गुमाउनेहरूको संख्या पनि दिनदिनै बढिरहेको छ। २४ घण्टामा मात्र भारतमा २ हजार १ सय २ जनाले ज्यान गुमाएका छन्।
यो सँगै एकैदिन यति धेरै कोरोनाभाइरसका संक्रमित थपिने भारत संसारकै पहिलो देश बनेको छ। यसअघि संयुक्त राज्य अमेरिकामा एकैदिन कोरोनाभाइरसका ३ लाख ७ हजार संक्रमित थपिएका थिए।
भारतमा पछिल्लो समय संक्रमितको संख्या ह्वात्तै वढेपछि विभिन्न राज्यहरुमा लकडाउन समेत घोषणा गरिसकिएको छ । भारतमा अहिलेसम्म १ करोड ५९ लाख मानिसमा कोरोना संक्रमण भएको छ भने १ लाख ८४ हजार संक्रमितले ज्यान गुमाईसकेका छन् ।
यस्तै १ करोड ३४ लाख वढी भने उपचारपछि घर फर्केका छन् ।