६३० पाठक संख्या
काठमाडौं । भारतीय स्वास्थ्य मन्त्रालयले बुधबार देशभरका १८ वटा राज्यबाट संकलित नमुनाको परीक्षण गर्दा ‘डबल म्युटेन्ट’ अर्थात् दुई पटक उत्परिवर्तित कोरोना भाइरसको नयाँ प्रकार फेला परेको पुष्टि गर्यो । १० हजार ७८७ नमुना परीक्षण गरिएकोमा ७३६ जनामा यूके भेरिअन्ट, ३४ जनामा दक्षिण अफ्रिकी र एक जनामा ब्राजिलियन्ट देखिएको हो ।
यो भाइरस यसअघिको कोरोना भाइरसजस्तै एक व्यक्तिबाट अर्को व्यक्तिमा संक्रमण फैलिन्छ । भाइरोलोजिस्ट डा. सहीद जमीलका अनुसार ‘डबल म्युटेन्ट’मा उही भाइरसमा एकसाथ दुइटा उत्परिवर्तन हुने गर्छ ।
त्यो भाइरसले रोगप्रतिरोधी क्षमतालाई छल्न सक्ने तथा झन् सङ्क्रामक हुन सक्ने डा. जमीलले बताए । भारतमा हालसम्म एक करोड १७ लाख व्यक्ति कोरोना भाइरस संक्रमित भएका छन् भने एक लाख ६० हजार व्यक्तिको ज्यान गइसकेको तथ्यांक छ ।
यी उत्परिवर्तनहरूको विशाल बहुमत असुविधाजनक हो र भाइरसको व्यवहार गर्ने तरिकालाई बदल्दैन । तर केहि म्युटेसनले स्पाइक प्रोटिनमा परिवर्तनहरू ल्याउँदछ जुन भाइरसले मानव कोषहरू भित्र पस्ने र परिवर्तित रूपहरू सम्भावित रूपमा बढी संक्रामक हुन सक्ने बताइएको छ ।
भाइरसहरू उत्परिवर्तित हुनु सामान्य हुन्छ र अधिकांश उत्परिवर्तन चिन्ताको विषय हुँदैन तथा त्यसले संक्रमण फैलाउने दरमा परिवर्तन ल्याउने अथवा गम्भीर संक्रमण निम्त्याउन नहुने जनाइएको छ । तर यूके र दक्षिण अफ्रिकी भेरियन्ट अझ बढी संक्रामक हुनसक्ने र कतिपय अवस्थामा घातक हुन सक्ने पनि देखिएको विज्ञहरुले बताएका छन् ।
