२६५ पाठक संख्या
काठमाडाैं । बाग्मती प्रदेश र प्रदेश १ का विभिन्न ठाउँमा आज पनि विद्युत अवरुद्ध हुने भएको छ ।
वाग्मती प्रदेशको धुन्चे वितरण केन्द्रको सान्जेल फिडर, स्याफ्रु फिडर र रसुवागढी फिडरअन्तर्गतका क्षेत्रहरुमा आज ६ घण्टा बत्ती जाने भएको हो ।
यी क्षेत्रहरुमा बिजुलीको लाइन मर्मत गर्नुपर्ने भएकाले आज बिहान ८ बजेदेखि दिउँसो २ बजेसम्मका लागि लाइन काटिने नेपाल विद्युत प्राधिकरणले जनाएको छ ।
त्यस्तै प्रदेश १ को इटहरी वितरण केन्द्रको उद्योग लविपुर फिडर र एनटीसी फिडरअन्तर्गतका क्षेत्रहरुमा पनि आज ८ घण्टा बत्ती जाँदैछ ।
उद्योग लविपुर र एनटीसी फिडरअन्तर्गत आज बिहान ९ बजेदेखि दिउँसो ५ बजेसम्म बत्ती जाने प्राधिकरणले जनाएको छ ।
