काठमाडौं । कोरोनाभाइरस महामारीका कारण प्रवेशाज्ञा अवधि सकिएर पनि स्वदेश फर्कन नपाएका कामदारहरुलाई दक्षिण कोरियामा कामको थप अवसर मिल्ने भएको छ ।
त्यस्ता कामदारहरुलाई कोरिया सरकारले अस्थायी मौसमी कामदारको रुपमा काम गर्न अनुमति दिने नयाँ नीति ल्याएको हो ।
दक्षिण कोरियाले विभिन्न भिसामा कोरिया पुगी काम गर्ने र काम गर्न चाहेर प्रवेशाज्ञा परिवर्तन गरी अवधि थप गर्न चाहेमा १३ महिनासम्मको अवधि थप्न पाइने व्यवस्था गरिएको हो ।
लामो समयदेखि विदेशी कामदार नल्याएका कारण कोरियामा अहिले कामदारको अभाव हुन थालेको छ । कामदारको अभावलाई पूर्ति गर्न कोरियाले यस्तो रणनीति ल्याएको छ ।