आमा ! एक फेर आशीर्वाद देऊ
मलाई एउटा नेता बनाऊ
मात्रै एक मौका पाउँ
सात पुस्ता सम्म लैजाउँ
गाडी ठूलो ल्याउँ
देश बिदेश घुमाउँ
आमा ! मलाई एउटा नेता बनाऊ ।
भ्रष्टाचार को सम्पत्तिमा
हरेक दिन पौडी खेलाउँ
मोबाइलको घण्टीमा
देश भक्ती गित बजाउँ
आमा मलाई कुशल नेता बनाऊ ।
जनता मारेको धनले
होलि वाइन पिलाउँ
कार्ल मार्क्स को फोटो राखी
अफिस ठूलो चलाउँ
आमा मलाई हरिप नेता बनाऊ ।
देशको ढुकुटी चोरेर
आफ्नै घरमा ल्याउँ
छिमेकी हरुलाई देशै बेचाउँ
आमा मलाई असल नेता बनाऊ ।
एउट चुनाव जिताऊ
मात्र सांसद बनाऊ
मात्रै एक चोटि
आशीर्वाद देऊ आमा ,
मलाइ नेता बनाऊ ।।
रचनाकार सपना अर्याल सामाजिक अभियान्ता हुन् ।