काठमाडौं । पछिल्लो २४ घण्टामा मुलुकभर थप ३ हजार ६३७ जनामा कोरोना भाइरसको संक्रमित थपिएका छन् ।
स्वास्थ्य तथा जनसंख्या मन्त्रालयको बिहीबारको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले सो जानकारी दिएका हुन् ।
योसँगै नेपालमा कोरोना संक्रमितको संख्या १ लाख ४८ हजार ५ सय ९ पुगेको छ ।
मन्त्रालयका अनुसा्र हालसम्म संक्रमितमध्ये १ लाख २ हजार ८ सय २० जना कोरोना मुक्त भएका छन् ।
पछिल्लो २४ घण्टामा थप २१ जनाको कोरोना भाइरसको संक्रमितले ज्यान गुमाएसँगै नेपालमा कोरोनाले ज्यान गुमाउनेको संख्या ८१२ पुगेको छ ।