१५९९ पाठक संख्या
दाङ । दाङको लमहीका होम आइसोलेशनमा बसेका कोरोना संक्रमितको मृत्यु भएको छ। ४३ वर्षका पुरुषको मंगलबार बिहान घरमै मृत्यु भएको हो ।
जन्डिसको समस्या देखिएपछि उपचारका लागि काठमाडौं गएका लमही नगरपालिका–५ का ती व्यक्ति दाङ फर्किने बेला परीक्षण गराउँदा रिपोर्ट नेगेटिभ आएको थियो ।
तर लमही आएपछि पुनः परीक्षण गर्दा श्रीमान–श्रीमतीलाई नै संक्रमण देखिएको थियो। त्यसपछि उनीहरु विगत एक हप्तादेखि होम आइसोलेशनमा बसेका थिए ।
श्रीमानको मृत्यु भए पनि श्रीमतीको स्वास्थ्य भने सुधार हुने क्रममा रहेको जनाइएको छ। अहिले शव व्यवस्थापन कसरी गर्ने भन्नेबारे छलफल भइरहेको लमही नगरपालिकाका स्वास्थ्य संयोजक लोकराज पौडेले बताएका छन् ।
-देशसञ्चार
