४८५ पाठक संख्या
एजेन्सी । अमेरिकामा कोरोना संक्रमितको संख्या ८२ लाख नाघेको छ ।
वर्ल्डोमिटर्सका अनुसार शनिबार यो समाचार तयार पार्दासम्म पछिल्लो २४ घण्टामा थप ७१ हजार ६८७ जनामा कोरोना भाइरसको संक्रमण पुष्टि भएको छ ।
योसँगै अमेरिकामा कोरोना संक्रमित संख्या ८२ लाख ८८ हजार २७८ पुगेको छ । संक्रमितमध्ये अहिलेसम्म ५३ लाख ९५ हजार ४०१ जना संक्रमणमुक्त भएका छन् ।
वर्ल्डोमिटर्सका अनुसार उपचार गराइरहेका २६ लाख ६९ हजार २३३ जनामध्ये १५ हजार ३१८ जनाको अवस्था गम्भीर रहेको छ ।
यस्तै कोरोना भाइरसको संक्रमणले मृत्यु हुनेको संख्या २ लाख २३ हजार नाघेको छ ।
शुक्रबार थप ९२८ जनाको मृत्यु भएसँगै अमेरिकामा मृतक संख्या २ लाख २३ हजार ६४४ पुगेको छ ।
