आज: 

अन्तरिक्षमा पनि बाँच्न सक्ने अमर जीव ‘पानी भालु’

ओके खबर २४ आश्विन २०७७, शनिबार २२:१७ मा प्रकाशित ( हफ्ता अघि) २४२ पाठक संख्या

एजेन्सी । पृथ्वीमा यस्ता अनौठा जीव पनि पाइन्छ, जसलाई अमर भनिँदा कुनै फरक पर्दैन । त्यस्तो अमर जीवको नाम हो पानी भालु (Water bear) । यसलाई मोस पिगलेट वा टरडिग्रेड पनि भनिन्छ ।

यो जीव हाम्रो नांगो आँखाले भने देख्न सकिँदैन । माइक्रोस्कोपको सहायताले मात्र देख्न सकिने यो सूक्ष्म जीव आठ खुट्टे हुन्छ । यो पृथ्वीको जहाँ कहीँ पनि पाइन सकिन्छ । सामान्यतः जीव बाँच्न सक्छ भन्ने कल्पना नै नगरिएका स्थानहरुमा समेत यो जीव पाइन सकिन्छ । यो हिमालयको चुचरोदेखि समुद्रको अथाहा गहिराईसम्म पनि पाइन्छ । यो जीव विशेषतः लेउ र झ्याउमा पाइने गर्छ ।

आकारमा अति सानो भए पनि यो जीवले नष्ट गर्नै नसकिने, अजर–अमर जीवको रुपमा ख्याति कमाएको छ । यो अति सुख्खा, अति तातो वा चिसो, अति उच्च तथा न्यून चाप भएका स्थानहरु पनि बाच्न सक्छ । कतिसम्म भने यो अन्तरिक्षमा समेत बाँच्न सक्छ ।

Photo: https://en.wikipedia.org


सम्बन्धित खबरहरु