७१६ पाठक संख्या
एजेन्सी। मुस्लिम देश इन्डोनेसियामा अधिकांश मानिसहरु इस्लाम धर्मलाई अनुसरण गर्ने गर्छन् । अध्ययन अनुसार इन्डोनेसियामा ८७ प्रतिशत मानिसहरु इस्लाम धर्म मान्ने गर्छन् ।
तर इन्डोनेसियाको जावाकी राजकुमारी कानजेङ राडेन महेन्द्रानी भने स्वंयम हिन्दु धर्म मान्ने गर्छिन् । राजकुमारीले सन् २०१७ देखि हिन्दु धर्मलाई मान्दै आएकी हुन् । उनी हिन्दु धर्मको प्रचार पनि गर्दै हिड्ने गर्छिन ।
उनले आफुलाई हिन्दु धर्मको रीति अनुसार आफनो शुद्धीकरण गरेकी थिइन । बालीबाट आएका हिन्दु पुजारी भगवान पुत्रनाथ स्वामीजीले उनको शुद्धीकरण गरेका थिए ।
उनले हिन्दु धर्म अपनाउँदै त्यतिबेला इन्डोनेसियाको मुल धर्म सनातन धर्म भएको बताउँदै आएकी थिइन । उनले आफनो धर्म परिवर्तन गरी मातृ धर्ममा फिर्ता भएको अभिव्यक्ति दिएकी थिइन ।
हिन्दु धर्मप्रतिको झुकावकै कारण उनी पहिलेदेखि नै हिन्दु मन्दिरमा पुजाआजा गर्ने गर्थिन् । इन्डोनेसियाले हिन्दुसंगै अन्य ६ धर्मलाई मान्यता दिएको छ ।
