ईटली र स्पेनपछि ईरान र फ्रान्सको अवस्था भयावह बन्दै, ३४ सय ८ जनाको मृत्यु

एजेन्सी । ईटली र स्पेनपछि ईरान र फ्रान्सकोको अवस्था थप भयावह बन्दै गएको छ । यी दुई देशमा अहिलेसम्म ३४ सय ८ जनाको मृत्यु भएको अन्तर्राष्ट्रिय संचार माध्यमले जनाएको छ ।

आज बिहीबार मात्रै ईरानमा १४३ जना र फ्रान्समा २३१ जना मृत्यु हुनेको संख्या थपिएको हो । यो संगै ईरानमा २ हजार ७७ र फ्रान्समा १३ सय ३१ गरी यी दुई देशमा मृत्यु हुनेको संख्या ३४ सय ८ पुगेको हो । ईरानमा पछिल्लो २४ घण्टामा २२ सय ६ जना बिरामी थपिएका छन् । फ्रान्समा २ हजार ९ सय २९ बिरामी थप भएका छन् ।
विश्वका १९८ देशमा फैलिएको कोरोना भाईरस कोभिड १९ को संक्रमणका कारण अहिलेसम्म २१ हजार २ सय जनाको मृत्यु भएको छ ।

संक्रमित ४ लाख ६८ हजार ९ सय ८ जनामध्ये मृत्यु हुनेको संख्या २१ हजार नाघेको अन्तर्राष्ट्रिय संचार माध्यमले जनाएको छ । संक्रमित भएकामध्ये १ लाख १४ हजार २ सय १८ जना मात्रै निको भएर घर फर्किएका छन् ।
उपचार गराईरहेका ३ लाख ३३ हजार ४ सय ८७ जनामध्ये १४ हजार ७ सय ७४ जनाको अवस्था गम्भिर छ ।
म्भिर हुनेहरुको अवस्था उपचाररत विरामीमध्ये ४ प्रतिशत हो । यस्तै जम्मा संक्रमितमध्ये ८४ प्रतिशत व्यक्ति उपचारपपिछ घरज फर्किएका छन् ।

पछिल्लो २४ घण्टामा सबैभन्दा धेरै ईटलीमा ६ सय ८३ जनाको मृत्यु भएको छ । यो संगै ईटलीमा मृत्यु हुनेको संख्या ७ हजार ५ सय ३ पुगेको छ । ईटलीमा आज मात्रै ५ हजार २ सय १० जना नयाँ बिरामी थपिएका छन् । ३ हजार ४ सय ८९ जनाको अवस्था गम्भिर छ ।

त्यसो त ईटलीपछि स्पेनको अवस्था थप भयावह बनेको छ ।
स्पेनमा पछिल्लो २४ घण्टामा मात्रै ६ सय ५६ जनाको मृत्यु भएको छ । यो संगै ईटलीमा मृत्यु हुनेको संख्या ३ हजार ६ सय ४७ पुगेको छ । स्पेनमा ७ हजार ४ सय ५७ जना नयाँ बिरामी थपिएका छन् ।
३ हजार १ सय १६ जनाको अवस्था गम्भिर छ । कोरोना संक्रमणको उद्गमस्थल चीनमा भने संक्रमित ज्यान गुमाउनेको संख्या घट्दै गएको छ ।

पछिल्लो २४ घण्टामा चीनमा ६ जनाको मात्रै ज्यान गएको छ । चीनमा ६७ जना नयाँ बिरामी थपिएका छन् भने अहिलेसम्म ३ हजार २ सय ८७ जनाको मृत्यु भएको छ । १ हजार २ सय ३५ जनाको अवस्था गम्भिर छ ।
विश्वभर ४६ हजार ३ सय ३१ जना नयाँ बिरामी थपिएका छन् ।